Убедлива победа на Кадетите против Ерменија

Убедлива победа на Кадетите против Ерменија

Кадетската репрезентација на Македонија (до 18 години) славеше убедлив триумф против Ерменија 49-13 во вториот натпревар на ЕХФ Шампионатот што се одржува во Бугарија.

Без сериозни проблеми и контролирајќи ја играта во текот на целиот меч, нашиот тим стигна до рано водство кое постојано го зголемуваше. Селекторот Иле Темелковски често ротираше со тимот, давајќи им поголема минутажа на сите ракометари. На полувреме се замина со 26-6 за Македонија, а рутинското второ полувреме ги донесе конечните 49-13.

Мице Шилегов со 9 голови беше најпрецизен во нашиот состав, Димитриоски и Ѓошевски постигнаа по 6 голови, Арсеновски беше стрелец на 5, а Димитровски додаде 4 голови. Уште во листата на стрелци се запишаа Јагуриновски, Крстевски и Серафимов со по 3 голови, односно Кукуловски и Танковски кои постигнаа по 2 гола.

По двете победи во првите две кола, Македонија е на делба на првата позиција во групата со Унгарија и Украина кои имаат ист учинок. Денеска (17 август) од 16:00 часот по македонско време, нашиот тим се среќава со Украина.

Сподели:
Share on facebook
Facebook
Share on twitter
Twitter
Share on linkedin
LinkedIn

Останати вести

Информација за медиуми

Почитувани, Ракометна Федерација на Македонија (РФМ) работи, постапува и одлучува единствено согласно утврдените

Информација

Почитувани, Ве информираме Управниот Одбор на Ракометната Федерација на Македонија, согласно Член 35,