Сениорската машка репрезентација на Македонија денеска од 17:45 часот со натпреварот против Тунис во Мец, го почнува настапот на Светското ракометно првенство во Франција.

Избраниците на Лино Червар по пристигнувањето во францускиот град одработија два тренинзи на кои имаа можност да се приспособат на условите во салата во која денеска ќе го стартуваат Првенството.

Во изјавите за медимуте, селекторот и ракометарите потенцираа на големата мотивација и желба што подобро да се стартуваат натпреварите во групата, како и на добрата атмосфера и силниот тимски дух кој владее во репрезентацијата.

Натпреварот помеѓу Македонија и Тунис во арената во Мец стартува од 17:45 часот, а покрај оваа средба, во нашата група денеска ќе играат и Словенија – Ангола од 14:00, како и Шпанија – Исланд од 20:45 часот.